Keçid linkləri

2016, 09 Dekabr, Cümə, Bakı vaxtı 23:54

Qərb diplomatları ölkədə insan haqlarının vəziyyətini müzakirə ediblər


Azər Əhmədov: «Qərb diplomatları dedilər ki, biz azad sözü dəstəkləyirik»

Azər Əhmədov: «Qərb diplomatları dedilər ki, biz azad sözü dəstəkləyirik»

Mayın 22-də Fransa səfirliyində Avropa İttifaqına (Aİ) üzv ölkələrin Azərbaycandakı diplomatik missiyalarının rəhbərləri «Azadlıq» qəzetinin direktoru Azər Əhmədov və hüquq müdafiəçisi Arif Yunusla görüşüblər.


«Azadlıq» qəzetinin direktoru Azər Əhmədov «Azadlıq» radiosuna deyib ki, görüş zamanı Qərb diplomatları seçkiqabağı vəziyyət və mətbuat azadlığı ilə bağlı son durumla maraqlanıblar: «Onlar əməkdaşımız Aqil Xəlillə bağlı vəziyyətlə ətraflı maraqlandılar. Qərb diplomatları dedilər ki, biz azad sözü və demokratiyanı dəstəkləyirik».


Görüşlə bağlı Avropa İttifaqına üzv ölkələrin Azərbaycandakı diplomatik missiyalarından hələlik hər hansı məlumat əldə etmək mümkün olmayıb.


«Azadlıq» qəzetinin müxbiri Aqil Xəlil fevralın 22-də peşə borcunu yerinə yetirərkən Milli Təhlükəsizlik Nazirliyinin əməkdaşları olduğu iddia edilən Dağbəyi Allahverdiyev və Akif Çovdarov tərəfindən döyüldüyünü bildirir. Bu hadisədən sonra isə jurnalist ürək nahiyəsindən bıçaqlanıb. Respublika Prokurorluğu A.Xəlilin homoseksuallar tərəfindən bıçaqlandığını iddia edir. Aqil Xəlil isə bunun iftira olduğunu və istintaq zamanı müstəntiqlərin təzyiqinə məruz qaldığını deyir. Mayın 21-də Respublika Prokurorluğu Aqil Xəlilin döyülməsi ilə bağlı cinayət işinə xitam verildiyini bildirib.


Günün bütün mövzuları

XS
SM
MD
LG