Azərbaycan Prezidentinin İcra Aparatının rəhbəri Ramiz Mehdiyevin başçılığı ilə nümayəndə heyəti Moskvada səfərdədir.
R.Mehdiyev keçirdiyi görüşlərlə bağlı AzərTAc-ın xüsusi müxbirinə müsahibə verib:
«Bizi Administrasiya rəhbərinin müavini, aparatın Nəzarət idarəsinə kuratorluq edən Aleksandr Beqlov qəbul etdi. O, Nəzarət idarəsinin işinin təşkili haqqında çox maraqlı və yeni məlumatlar verdi. Onlar praktik olaraq, ölkədə bütün sahələrdə - tikinti, sosial sahə, sənaye və müdafiə sahələrində baş verən bütün hadisələri nəzərdə saxlayırlar. Bu, çox faydalı təcrübədir və mən hesab edirəm ki, biz də bu təcrübədən istifadə etməli və ölkə üçün həyati əhəmiyyəti olan bütün strukturların fəaliyyətinə bu cür nəzarət sistemini təşkil etməliyik».
R.Mehdiyev Rusiyanın Azərbaycana çox xeyirxah münasibət bəslədiyini də bildirib.
Azərbaycan nümayəndə heyəti Moskvada keçmiş prezident Heydər Əliyevin 85 illiyinə həsr edilmiş gecədə iştirak edəcəklər.
