Keçid linkləri

2024, 29 Mart, Cümə, Bakı vaxtı 01:35

Prokuror Qənimət Zahid haqqında hökmü qüvvədə saxlamağı istəyir


Qənimət Zahid xuliqanlıqda təqsirli bilinərək 4 il azadlıqdan məhrum edilib
Qənimət Zahid xuliqanlıqda təqsirli bilinərək 4 il azadlıqdan məhrum edilib

«Azadlıq» qəzetinin baş redaktoru Qənimət Zahidin vəkillərinin apelyasiya şikayəti üzrə qərar mayın 13-də qəbul elan ediləcək. Xəbəri «Azadlıq» radiosuna jurnalistin vəkillərindən biri Əlayıf Həsənov verib.


Onun sözlərinə görə, Apelyasiya Məhkəməsində mayın 12-də keçirilən prosesdə prokuror hakimdən Yasamal Rayon Məhkəməsinin Qənimət Zahid haqqında çıxardığı 4 il azadlıqdan məhrumetmə cəzasını qüvvədə saxlamağı xahiş edib.


Vəkil dövlət ittihamçısının çıxışında hər hansı fakta əsaslanmadığını bildirir. Onun sözlərinə görə, burada heç bir cinayət faktı yoxdur: «Sadəcə, Qənimət Zahid müxalifət qəzetinin baş redaktoru olduğu üçün prezident seçkisi öncəsi onu cəmiyyətdən təcrid etmək istəyirlər».


Qənimət Zahid xuliqanlıqda təqsirli bilinərək 4 il azadlıqdan məhrum edilib. Vəkilləri hökmün ləğv edilərək jurnalistə bəraət verilməsini istəyir.


«Azadlıq» qəzetinin baş redaktoru ilə yanaşı Azərbaycanda hazırda daha iki jurnalist həbsdədir.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG