Səfir deyib ki, onlar Bakıda çox rahat yaşayır və işləyirlər: «Biz azərbaycanlıların da İsraildə belə fəaliyyət göstərmələrini istəyərdik. Nə qədər bir-birimizi yaxından tanısaq və imkanlar geniş olsa, ölkələrimizin inkişafı üçün daha geniş potensial yaranar. Ancaq bu, yenə deyirəm ki, Azərbaycan hökumətinin verəcəyi bir qərardır».
İsrail tərəfdən bir neçə dəfə təklif səslənsə də, Azərbaycan bu ölkədə səfirliyini açmağa tələsmir. Xarici İşlər Nazirliyinin rəsmiləri deyiblər ki, Azərbaycanla İsrail arasında fəal əməkdaşlıq olsa da, hələlik bu ölkədə səfirlik açmaq məsələsi Bakının gündəliyində deyil. Gələcəkdə səfirliyin açılması istisna olunmur.