«Ermənistan Azərbaycanın hədələrindən qorxmur və Bakının münaqişəni neft dollarlarının köməyilə həll etməsinə ümid bəsləməsi qeyri-ciddidir». Prezident Serj Sarkisyan bu sözləri Ermənistanın Xarici İşlər Nazirliyində çıxış edərkən deyib.
O, bildirib ki, Ermənistan Dağlıq Qarabağda yaşayan əhalinin öz müqəddəratını təyin etmə hüququnu daim dəstəkləyəcək və Dağlıq Qarabağın təhlükəsizliyinin təminatçısı olacaq. Sərkisyan deyib ki, pulun gücü ilə dövlət və silahlı qüvvələr yaratmaq mümkün deyil.
Azərbaycan hər il silahlı qüvvələrə büdcədən ayrılan vəsaitləri artırır. 2008-ci ildə Azərbaycanın hərbi xərcləri büdcənin 10 faizindən çoxunu təşkil edir.
