Keçid linkləri

logo-print
2016, 03 Dekabr, şənbə, Bakı vaxtı 02:24

Azərbaycan və ABŞ yüksək səviyyəli məsləhətləşməyə hazırlaşırlar


Conatan Henik

Conatan Henik

Azərbaycan və Amerika hərbi sahədə yüksək səviyyəli məsləhətləşməyə hazırlaşırlar.


Martın 14-17-də Bakıda keçiriləcək görüşdə Amerika tərəfindən Müdafiə katibinin Avropa və NATO siyasəti üzrə müavininin köməkçisi Daniel Fata iştirak edəcək.


Hazırda isə ABŞ hərbçilərindən ibarət işçi qrupu Azərbaycanda səfərdədir və onlar yüksək səviyyəli məsləhətləşmələrə hazırlıq görürlər.


ABŞ səfirliyinin nümayəndəsi Conatan Henik «Azadlıq» radiosuna deyib ki, işçi qrupunun danışıqlarında hərbi əməkdaşlığın növbəti il üçün tədbirlər planı müzakirə olunur. Plan gələn həftə keçiriləcək müzakirələrdə qəbul edilməlidir: «Təbii ki, bizim yeni proqramlarımız da var. Amma onlar indiki proqramların davamıdır».


Danışıqların gündəliyinə həm də Azərbaycanın müdafiə islahatlarının həyata keçirilməsində ABŞ-ın yardımları, NATO çərçivəsində Fərdi Tərəfdaşlıq Planının ikinci mərhələsinə dəstək və başqa məsələlər daxildir.


Ötən il Azərbaycanla ABŞ arasında hərbi əməkdaşlıq üzrə İş Planı imzalanıb.


Günün bütün mövzuları

XS
SM
MD
LG