Corc Buş NATO-nu Ukrayna və Gürcüstanın təşkilata qəbulu prosesinə başlamağa çağırıb. Aprelin 2-də Buxarestdə NATO-nun sammitində çıxış edən Buş deyib ki, Gürcüstan da, Ukrayna da NATO-ya qəbul olmağa hazırdır və təşkilat bütün Avropa ölkələri üçün açıq olmalıdır:
«Burda-Buxarestdə biz aydınlaşdırmalıyıq ki, NATO Gürcüstan və Ukraynanın təşkilata qəbulu arzularını alqışlayır və onlara məqsədlərinə çatmaq üçün yol açır. Mənim ölkəmin mövqeyi aydındır. NATO Gürcüstan və Ukraynanı üzvlük üçün fəaliyyət planına salmalıdır».
NATO üzvlərindən Almaniya və Fransa bu planın əleyhinədir. Bu dövlətlər hesab edirlər ki, Ukrayna da, Gürcüstan da NATO-nun standartlarına uyğun deyil.
