Keçid linkləri

2016, 09 Dekabr, Cümə, Bakı vaxtı 09:52

«Sərnişindaşımada özbaşınalıq ifrat həddə çatıb»


Qəzetlər iddia edir ki, paytaxtda sərnişindaşıma, demək olar ki, inhisarına keçib

Qəzetlər iddia edir ki, paytaxtda sərnişindaşıma, demək olar ki, inhisarına keçib

«Ölkənin nəqliyyat sektorunda dərəbəylik davam edir. Əgər əvvəllər ayrı-ayrı marşrut sahiblərindən, sahibkarlardan, sürücülərdən şikayətlər gəlirdisə, son vaxtlar bu kimi özbaşınalıqlar, qanunsuzluqların Nəqliyyat Nazirliyinin əməkdaşları tərəfindən edilir». Bu barədə «Yeni Müsavat» məqalə dərc edib. Qəzet yazır ki «Heç kəsə sirr deyil ki, Nəqliyyat Nazirliyinin müfəttişləri Bakıda sözün əsl mənasında qoçuluq edirlər…»


«Onlar istər avtobus, istərsə də taksi sürücülərini bu peşə ilə məşğul olmalarına peşman edir, döyür, söyür, təhqir edir, haqlı-haqsız cərimələyirlər. Onlar özlərini o qədər arxayın hiss edirlər ki, hətta bir sıra hallarda hansısa sürücünü döymələri prosesini polislər, sadəcə, kənardan müşahidə edirlər. İndiyədək müfəttişlər tərəfindən döyülən sürücülərin hüquq-mühafizə orqanlarına etdikləri şikayətlər nəticəsiz qalıb».


«Yeni Müsavat» iddia edir ki, paytaxtda sərnişindaşıma, demək olar ki, tamamilə nəqliyyat nazirinin inhisarına keçib. Əksər marşrutlara nazirin yaxın qohumunun rəhbərlik etdiyi şirkətə məxsus avtobuslar buraxılıb. Marşrutlardan digər avtobusların yığışdırılması üçün ən müxtəlif formada təzyiq vasitələrindən istifadə edilir. Sürücülərdən o qədər plan istənilir ki, onlar axşama kimi işləyib bunu ödəyə bilmirlər.


«Vəzifədən asılı olmayaraq, korrupsiyaya qurşanmış dövlət məmurları cinayət məsuliyyətinə cəlb edilirlər. Onların arasında yüksək vəzifəli dövlət məmurları, nazirlər də vardır ki, bu da göstərir ki, bu mübarizədə heç bir ayrı-seçkiliyə yol verilmir». Bunları prezident İlham Əliyev deyib. O, martın 31-də Beynəlxalq Antikorrupsiya Orqanları Assosiasiyası İcraiyyə Komitəsinin Bakıda keçirilən iclasının iştirakçılarını qəbul edib. Bu barədə «Azərbaycan» yazıb.


Prezident deyib ki, «biz indi görürük ki, coğrafi vəziyyətindən, yaxud da etnik mənsubiyyətindən asılı olmayaraq, bütün postsovet ölkələrində bu problem çox ciddi olmuşdur.


Biz korrupsiyaya qarşı mübarizədə müxtəlif amillərdən istifadə edirik. İlk növbədə, dediyim kimi, bunun üçün güclü qanunvericilik bazası yaradılmışdır, Dövlət proqramı icra olunur, komissiya fəaliyyət göstərir və dövlət tərəfindən korrupsiyaya qarşı mübarizəyə çox böyük diqqət və dəstək var».


«Qarabağ danışıqları çıxılmaz vəziyyətdədir». Bunu Azərbaycanın xarici işlər nazirinin müavini Araz Əzimov deyir. Sülh danışıqlarının hazırkı durumunu «Ekspress»ə şərh edən nazir müavini diqqəti ona yönəldib ki, vasitəçilər və erməni tərəfi konkretlikdən qaçır və bununla, danışıqları dolaşdırmağa çalışırlar.


Amma Əzimov diqqəti ona yönəldib ki, «bəla bundadır ki, Minsk qrupu özü də indiyədək Qarabağ danışıqlarını qaranlıq istiqamətə aparırdı və biz daha bu istiqamətə getmək istəmirik».


Eyni zamanda, «görünür, münaqişənin həlli üçün vaxt lazımdır» deyən nazir müavini danışıqlar formatının alternativinin olmadığını bildirir.


Günün bütün mövzuları

XS
SM
MD
LG