Nazirlik Azərbaycan, Özbəkistan, Kuba, Çin kimi ölkələrdə həbs olunan jurnalist və fikir adamlarına görə lobbiçilik fəaliyyətini davam etdirir. Ofisin hesabatında deyilir ki, söz azadlığı Azərbaycanda son illər tez-tez hücuma məruz qalır, son iki ildə vəziyyət daha da pisləşib.
«Azərbaycanın 2001-ci ildə Avropa Şurasına qəbulu bəzi müsbət nəticələr verib. Bir sıra hüquq islahatları aparılıb. Amma Azərbaycanda mətbuat hələ də böyük təzyiq altındadır».
Nazirlik hesab edir ki, mətbuat həm maddi, həm də siyasi təzyiqə məruz qalır. 2006-cı ildən isə vəziyyətin bir az da gərginləşdiyi görünür.
Britaniya Xarici İşlər Nazirliyinin hesabatında Azərbaycanda jurnalistlərə hücumların artdığı, bir neçə media işçisinin həbsdə olduğu deyilir. Ofis bildirir ki, bu məsələ Azərbaycan hökumətin qarşısında bir neçə dəfə qaldırılıb. Mətbuatın vəziyyətiylə bağlı narahatlıq hökumətə Avropa Birliyi, ATƏT, Avropa Şurası kimi təşkilatlar vasitəsiylə çatdırılıb.
