Martın 25-i gecə Ədalət Partiyasının sədri, deputat İlyas İsmayılovun oğlu Etimad İsmayılov Moskva aeroportunda saxlanılıb.
E.İsmayılovun vəkili Azər Köçərlinin «ANS»ə verdiyi məlumata görə, müdafiə etdiyi şəxs rəhbərlik etdiyi şirkətə borcu olan adamların sifarişi ilə tutulub. Vəkil deyib ki, həmin şəxslərin E.İsmayılovun rəhbərlik etdiyi şirkətə 1 milyon dollara yaxın borcu var.
Ədalət Partiyanın sədri İlyas İsmayılovsa «Azadlıq» radiosuna oğlunun heç nədə günahı olmadığını deyib:
«Mən Etimadla telefonla danışdım. Oğlum dedi ki, narahat olma. Mənim heç nədə təqsirim yoxdu».
E.İsmayılov Ədalət partiyasının sədrinin müavinidir.
