«Bu hökumətə etimad göstərilməməlidir. Hökumət istefa verməlidir. Nazirlərə isə şərait yaratmaq lazımdır ki, gedib bizneslə məşğul olsunlar»- hökumətin parlamentdə verdiyi hesabata münasibət bildirən millət vəkili Pənah Hüseyn belə deyib.
Deputat bildirib ki, bu vaxta kimi hökumət Qarabağ danışıqlarında heç bir irəliləyiş əldə etməyib. Onun fikrincə, 2007-ci ildə ölkədə yoxsulluqla bağlı vəziyyət daha da pisləşib, inflyasiya rəsmi rəqəmlərdən çoxdur.
Spiker Oqtay Əsədovsa deyib ki, müxalifət hökumətin işinə qara yaxmaqla məşğuldur, əldə olunmuş müsbət dəyişiklikləri dəyərləndirə bilmir.
İqtisadçı deputat Əli Məsimov Azərbaycanın inflyasiyanın səviyyəsinə görə Tacikistandan geri qaldığını vurğulayıb: «Bizə təqdim olunan 287 səhifəlik hesabatda isə inflyasiyaya cəmi yarım səhifə yer ayrılıb».
Fazil Qəzənfəroğlu müzakirə olunan sənədin hesabat yox, məlumat adlandırılmasını düzgün olduğunu bildirib.
Martın 14-də parlamentə hökumətin hesabatını baş nazir Artur Rasizadə təqdim edib.