Keçid linkləri

2024, 29 Mart, Cümə, Bakı vaxtı 16:30

«Jurnalistlərin səslərini boğmaq demokratik inkişaf üçün maneədir»


«Müstəqil, obyektiv və peşəkar media demokratiya üçün olduqca vacibdir»
«Müstəqil, obyektiv və peşəkar media demokratiya üçün olduqca vacibdir»

«Biz «Azadlıq» qəzetinin baş redaktoru Qənimət Zahidə iş kəsilməsindən və bu prosesdə müşahidə edilən mümkün pozuntulardan narahatıq». ABŞ səfirliyinin İctimaiyyətlə Əlaqələr şöbəsinin rəhbəri Conatan Henik Yasamal məhkəməsinin jurnalistə 4 il azadlıqdan məhrumetmə hökmünün çıxarılmasına münasibət bildirərkən belə deyib. Diplomat «Turan»a bildirib:


«Müstəqil, obyektiv və peşəkar media demokratiya üçün olduqca vacibdir. Jurnalistlərə hədə qorxu gəlinməməli, təqib olunmamalı, onlara hücum edilməməli və həbsə atılmamalıdır. Müstəqil və müxalif mediaya davamlı təzyiqlər baş verərkən, biz, hakimiyyəti tənqid edən jurnalistlərin yalnız böhtan və təhqirə görə yox, digər ehtimal olunan cinayətlərə görə ittiham olunmasından narahatıq».


Cənab Henik jurnalistlərin də digər vətəndaşlar kimi qanuna əməl etməli olduğunun vacibliyini bildirir: «Lakin jurnalistlərin səslərini boğmaq üçün onlara qarşı cinayət ittihamlarından istifadə olunması insan haqları və demokratik inkişaf üçün maneədir».


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG