Prezident Vladimir Putin ATƏT-i Rusiyada seçkiləri müşahidə etmədiyi üçün qınayıb.
Bu fikri o, fevralın 14-də prezident kimi keçirdiyi sonuncu mətbuat konfransında bildirib.
ATƏT martın 2-də Rusiyada keçiriləcək prezident seçkilərinə müşahidəçi göndərməkdən imtina edib. Təşkilat hesab edir ki, Rusiya beynəlxalq müşahidəçilərə məhdudiyyət qoyur, vaxtında monitorinqə başlamağa imkan vermir.
Putin eyni zamanda ATƏT-i Rusiya hökumətinə «dərs keçməkdə» günahlandırıb: «Qoy onlar öz xanımlarına kələm şorbası bişirməyi öyrətsinlər»-, deyib.
Mətbuat konfransda o, Amerikanın raketdən müdafiə planından da söz açıb. Putin deyib ki, ekspertlər Amerikanın Avropada yerləşdirmək istədiyi sistemlərin Rusiyaya təhlükə olduğunu deyirlər. Ona görə də bu sistemlər yaradılsa, adekvat reaksiya verməyəcək.
Birləşmiş Ştatlar raketdən müdafiə sistemlərini Çexiyada, Polşada yerləşdirmək niyyətindədir və dəfələrlə bəyan edilib ki, hədəf Rusiya yox, İrandır.
