Azərbaycanın xalq artisti, Bakı Musiqi Akademiyasının rektoru Fərhad Bədəlbəylinin vəziyyəti yaxşıdır, həyatına təhlükə yoxdur.
Bunu «Azadlıq» radiosuna Mərkəzi Klinik Xəstəxananın stasionar şöbəsinin həkimi Elxan Hacıyev deyib. O, bildirib ki, Fərhad Bədəlbəyli fevralın 6-da xəstəxanaya gətirilib və təcili əməliyyat olunub.
«Kəllə qapağının alt hissəsində qan yığıntısı vardı. Beynin içinə müdaxilə olunmadan,
əməliyyat edilib, kiçik qansızma götürülüb».
Həkim bildirib ki, Fərhad Bədəlbəyli yaxın günlərdə xəstəxanadan çıxacaq.
