Gürcüstan parlament seçkilərini azad və ədalətli keçirsə, bu onu NATO-ya potensial üzvlük istiqamətində irəli apara bilər. Amerika dövlət katibi müavinin köməkçisi Metyu Brayza belə deyib.
Brayza bildirib ki, Gürcüstandakı prezident seçkisi başqa ölkələrin nümunə götürə biləcəyi model olmadı. Amma bəzi qanun pozuntularına baxmayaraq, Amerika bu seçkinin nəticələrini qəbul edib.
Bu ölkədə prezident seçkiləri 2008-ci ilin yanvarında keçirilib. Hazır ki dövlət başçısı Mixail Saakaşvili yenidən prezident seçilib.
Gürcüstanda müxalifəti bu nəticə ilə razılaşmır. Müxalifət hakimiyyətə xəbərdarlıq edib ki, fevralın 15-dən kütləvi aksiyalara başlaya bilər.
Gürcüstan Xalq Partiyasının lideri Koba Davitaşvili deyib ki, hakimiyyətlə danışıqlar çox uzandı, onlar real nəticə istəyirlər, boş söz yox. Gürcüstan müxalifəti tələb edir ki, Mərkəzi Seçki Komissiyasının sədri istefa versin, noyabr mitinqlərində həbs olunanlar azadlığa buraxılsınlar.