Keçid linkləri

2016, 05 Dekabr, Bazar ertəsi, Bakı vaxtı 02:52

Polis yenidən reydlərə başlayır


Təkcə yanvar ayında 3 minə yaxın avtobus sürücüsü cərimə edilib

Təkcə yanvar ayında 3 minə yaxın avtobus sürücüsü cərimə edilib

Fevralın 10-dan başlayaraq Dövlət Yol Polisi və Nəqliyyat Nazirliyi yenidən avtobusların yoxlanılmasıyla bağlı reydlərə başlayacaq. Bu barədə «Azadlıq» radiosuna Bakı Şəhər Dövlət Yol Polisinin İctimai Qurumlarla İş Şöbəsinin rəisi Vaqif Əsədov məlumat verib. Onun dediyinə görə, bu dəfə məqsəd nümunəvi sürücü, nümunəvi xidmət və nümunəvi avtobusu müəyyənləşdirməkdir.


Bundan əvvəl yanvarın sonunda iki qurum birgə Bakı və Bakıətrafı yaşayış məntəqələrinə işləyən mikroavtobuslarla bağlı reydlər keçiriblər. Bu reydlər zamanı ayaq üstə sərnişin daşıdığına, müəyyən edilmiş dayanacaqlardan kənarda saxladığına və avtobusun salonunda qanunsuz dəyişikliklər etdiyinə görə 200-dən çox mikroavtobus cərimə meydançalarına aparılıb.


Vaqif Əsədovun dediyinə görə, təkcə bu ilin yanvar ayı ərzində yol hərəkəti qaydalarını pozduğuna görə 3 minə yaxın avtobus sürücüsü cərimə edilib.


Günün bütün mövzuları

XS
SM
MD
LG