ABŞ-ın Cənubi Karolina ştatında prezidentliyə namizədlərin ilkin seçkisində-praymerizdə Demokrat partiyasının prezidentliyə namizədi Barak Obama qalib gəlib.
İlinoyis ştatının senatoru 55 faiz səslə birinci yerdə, Hilari Klinton isə 27 faiz səslə ikinci yerdədir. Con Edvard isə üçüncü yerdə qərar tutub.
Cənubi Karolinadakı qələbə Obamanın praymerizdə ikinci qələbəsidir. İlk dəfə o, Ayova ştatında qalib gəlib. Bundan sonra isə Hilari Klinton onu qabaqlamışdı.