Azərbaycanın Avropa Şurası Parlament Assambleyasındakı (AŞ PA) nümayəndə heyətinin rəhbəri Səməd Seyidov qurumun vitse-prezidenti seçilib.
AŞ PA-nın yeni prezidenti isə İspaniya sosialisti, 63 yaşlı Luis Mariya de Puç olub. Onu parlamentarilərə AŞ PA-nın qocaman üzvü Migel Peres təqdim edib. Yeni qaydalara görə, İspaniyalı senator AŞ PA-ya iki il rəhbərlik edəcək.
Səməd Seyidov özü «APA»ya namizədliyinin AŞ PA-nın qış sessiyasının yanvarın 21-də keçirilən plenar iclasında səsə qoyulduğunu və yekdilliklə təsdiqləndiyini bildirib.
Azərbaycanlı deputatın qurumun vitse-prezidentliyinə namizədliyi rotasiya qaydasına uyğun olaraq irəli sürülüb. Həmin gün AŞ PA-ya 19 vitse-prezident seçilib.