Keçid linkləri

2016, 06 Dekabr, çərşənbə axşamı, Bakı vaxtı 12:29
Yeniyetmə yazar Yunis Səfərov ikinci kitabını «Белый Сокол. Наследник трона» («Ağ Şahin. Səltənətin varisi») adlandırıb. Yanvarın 15-də Beynəlxalq Mətbuat Mərkəzində keçirilən təqdimat mərasimində kinorejissor Ayaz Salayev bildirdi ki, yeniyetmə yazarın seçdiyi mövzular əsasən sərgüzəşt, macəra və fantastika janrlarının qarışığından ibarətdir.

Bu, 13 yaşlı gənc istedadın rus dilində yazdığı ikinci kitabıdır. Yunisin ikinci kitabının adı birincisinə – «Белый Сокол. Рыцарь Тьмы» («Ağ Şahin. Zülmətlər Qəhrəmanı») çox oxşayır. Bununla belə, bu kitablar bir-birinin davamı deyil. Balaca yazıçı kitablarının tərtibatını da özü hazırlayır, illüstrasiyaları da özü çəkir...


Mərasimdə Bakı «Kitab Klubu»nun əməkdaşı Fazil Kərimov balaca yazıçıya uşaq kitabları hədiyyə etdi. O qeyd etdi ki, Yunis uşaq olsa da onun yazdıqları böyük adamların əsərlərinə oxşayır:


«Biz Yunislə çoxdan tanışıq, onun yeni kitabını www.kitabklubu.org saytına da yerləşdirmişik, artıq onunla maraqlananlar da var. Kitab mütləq Rusiyada da nəşr olunmalı, ingilis dilinə də tərcümə edilməlidir, bizim planda bu kitabı Azərbaycan dilinə də tərcüməsi də nəzərdə tutulub».


Sonra Yunis Səfərov özü çıxış edərək dedi ki, kitablarının mövzusu «fentezi» janrıdır, onları xeyrin şər üzərində qələbəsinə həsr edir. Onun qəhrəmanları sadə kəndli balasından nəhəng bir qəhrəmana çevrilərək, mifik şər qüvvələrlə mübarizə aparır... Balaca yazıçı qəhrəmanların dilini, onların yaşadığı ərazilərin xəritəsini də özünün yaratdığını dedi. sonra qeyd elədi ki, onu ilk əsərini yazmağa vadar edən yazıçı «Üzüklər hökmdarı» kitabının müəllifi J. Tolkiendir.


Günün bütün mövzuları

XS
SM
MD
LG