Keçid linkləri

logo-print
2016, 04 Dekabr, bazar, Bakı vaxtı 12:21

Bakı Tehrandan vədinə sadiq qalmasını gözləyir


Xarici İşlər Nazirliyinin mətbuat katibi Xəzər İbrahim

Xarici İşlər Nazirliyinin mətbuat katibi Xəzər İbrahim

Azərbaycan İrandan işğal altındakı ərazilərdə Ermənistanla heç bir əməkdaşlığa girməyəcəyi barədə vədlərinə sadiq qalmasını gözləyir. Bunu Xarici İşlər Nazirliyinin (XİN) mətbuat katibi Xəzər İbrahim yanvarın 14-də keçirdiyi mətbuat konfransında bildirib.


Ermənistanın Xarici İşlər naziri Vartan Oskanyan ötən həftə bildirib ki, Yerevan İranla birlikdə Araz çayı üzərində müştərək elektrik stansiyası tikməyi planlaşdırır. Bu işlərə yaxın vaxtlarda başlanılacaq.


X.İbrahim deyir ki, Bakı bu məsələni Tehranla müzakirə edib: «İran tərəfi Azərbaycanı əmin edib ki, işğal olunmuş ərazilərdə bu və digər istiqamətdə hər hansı işlər aparmayacaq».


XİN rəsmisi son günlər İrandan Naxçıvana qaz nəqlinin məhdudlaşması ilə bağlı yaranmış problemə də münasibətini bildirib. Onun sözlərinə görə, Tehran hava şəraitinin pisləşməsi üzündən başqa ölkələrə də qaz göndərə bilmir. Bakı ümid edir ki, məsələ tezliklə həll olunacaq və Naxçıvana qaz nəqli əvvəlki qaydada bərpa ediləcək.


Günün bütün mövzuları

XS
SM
MD
LG