Keçid linkləri

2016, 09 Dekabr, Cümə, Bakı vaxtı 14:04

Qənimət Zahid yeni təxribata çəkildiyini deyir


Qənimət Zahidin məhkəməsi yanvarın 8-də başlayır

Qənimət Zahidin məhkəməsi yanvarın 8-də başlayır

«Azadlıq» qəzetinin baş redaktoru Qənimət Zahid ona qarşı yeni ittihamlara zəmin hazırlandığını bildirir. Hazırda Bayıl təcridxanasında saxlanan Zahid vəkilinə bildirib ki, onu yeni münaqişəyə cəlb etməyə cəhdlər olur. Amma vəkil Elçin Sadıqov bu münaqişənin konkret nədən ibarət olduğunu açıqlamır:


«Fikrimizcə, təxribat Qənimət Zahidə qarşı yeni ittiham irəli sürülməsi üçün hazırlanır. Yanvarın 5-də bununla bağlı Bayıl təcridxanasının rəhbərliyinə rəsmən müraciət göndəriləcək. Əgər təcridxana rəhbərliyi tədbir görməsə, biz başqa hüquqi vasitələrə əl atacağıq».


Q.Zahid ötən il noyabrın 11-də Yasamal Rayon Məhkəməsinin qərarı ilə istintaq müddətində 2 ay müddətinə həbs edilib. Məhkəmə onu Vüsal Həsənov adlı şəxsə hücum etməkdə və ona yüngül bədən xəsarəti yetirməkdə təqsirli bilib. Baş redaktor bu ittihamları rədd edir və həbsini rəhbərlik etdiyi qəzetin müxalifət mövqeyi ilə izah edir.


Yasamal Rayon Məhkəməsində iş üzrə hazırlıq iclası yanvarın 8-nə təyin edilib.


Günün bütün mövzuları

XS
SM
MD
LG