Dekabrın 28-də Bakı «Kitab Klubu»nun sərgi salonunda keçirilən mərasimdə klubun direktoru Elxan Rzayev qeyd etdi ki, bu nominasiya 3 ildir ki, təsis olunub. Qaliblər, əsasən, mətbuat və informasiya agentlikləri jurnalistləri arasından seçilir və bu il ötən ildən fərqli olaraq iki deyil, dörd jurnalistə diplomlar təqdim edilərək onlara suvenirlər verildi.
«Azadlıq» radiosunun təqdim etdiyi bu suvenirlər çanta, flash yaddaş, pul kisəsi, qələmlər və kiçik radioqəbuledicilərdən ibarətdir.
Qaliblər isə bunlardır:
1) Nərmin Muradova («Paritet» qəzeti),
2) Ülkər Qasımova (APA),
3) Bariz Əsədov («Azərbaycan» qəzeti)
4) Sabutay Nağıyev («Mədəniyyət» qəzeti).
Nominantlara Bakı «Kitab Klubu»nun təsis etdiyi «Mətbuatda dərc olunmuş məqalələri ilə ölkədə kitab işinin inkişafına etdiyi köməyə görə» fəxri diplomu və qiymətli hədiyyələr də təqdim olundu.