Sabiq səhiyyə naziri Əli İnsanovun Ali Məhkəmədə kassasiya şikayətinin dekabrın 18-nə təyin edilmiş baxışı təxirə salınıb. Ali Məhkəmədən bildiriblər ki, hakim Vidadi Həşimov xəstələndiyindən baxış yanvarın 15-nə kimi təxirə salınır. Bu barədə «Turan»a vəkil Toğrul Babayev bildirib.
Əli İnsanov kassasiya şikayətini Ağır Cinayətlərə dair İşlər Üzrə Məhkəmənin 20 aprel 2007-ci il tarixli qərarını qüvvədə saxlayan Apellyasiya Məhkəməsinin qərarından verib. Bakı Apellyasiya Məhkəməsi sabiq naziri korrupsiya və vəzifə səlahiyyətlərindən sui-istifadə ittihamı ilə 11 il müddətinə azadlıqdan məhrumetmə cəzasına qüvvədə saxlayıb.