Keçid linkləri

2016, 05 Dekabr, Bazar ertəsi, Bakı vaxtı 02:56

Həmsədrlər tərəfləri danışıqların baza prinsiplərini qəbul etməyə çağırır


Azərbaycan həmsədrlərin Madriddə təqdim etdiyi sənəddə yeni heç nə olmadığını bildirir

Azərbaycan həmsədrlərin Madriddə təqdim etdiyi sənəddə yeni heç nə olmadığını bildirir

ATƏT-in Minsk Qrupunun (MQ) həmsədrləri Azərbaycan və Ermənistanı qısa vaxt ərzində Qarabağ danışıqlarının baza prinsiplərini qəbul etməyə çağırırlar. Bu barədə MQ-nun noyabrın 29-da verdiyi bəyanatda bildirilir.


MQ hesab edir ki, artıq hərtərəfli sülh müqaviləsinin hazırlanmasına başlanmalıdır.


Noyabrın 29-da Madriddə ATƏT Xarici İşlər Nazirləri Şurasının yığıncağından əvvəl Amerika dövlət katibinin müavini Nikolas Börns, Rusiya Xarici İşlər naziri Sergey Lavrov və Fransanın Xarici İşlər naziri Bernar Kuşner Azərbaycan və Ermənistanın Xarici İşlər nazirləri ilə görüşüblər.


Hər üç həmsədr ölkənin yüksək təmsilçiləri münaqişənin dinc yolla həllinin «ədalətli və balanslaşdırılmış baza prinsiplərini» tərəflərə təqdim ediblər.


Bəyanatda vurğulanır ki, son üç ildə aparılmış danışıqlar nəticəsində tərəflərin mövqeləri əhəmiyyətli dərəcədə yaxınlaşıb və bu nailiyyətləri qorumaq vacibdir.


Həmsədrlər tərəflərdən xahiş edir ki, qoşunların təmas xəttində ATƏT-in apardığı monitorinqlərə mane olmasınlar. Qarşılıqlı etimadı möhkəmləndirsinlər. MQ hər iki ölkə hakimiyyətlərini əhalini sülhə hazırlamağa və müharibə bəyanatlarını dərhal dayandırmağa çağırır.


1992-ci ildə ATƏT xarici işlər nazirlərinin görüşündə yaradılmış Minsk Konfransı çərçivəsində fəaliyyət göstərən MQ həmsədrləri 1994-cü ildə Azərbaycanla Ermənistan arasında atəşkəs sazişinin imzalanmasından bu yana apardıqları danışıqlarda münaqişənin həlli bağlı bir sıra həll təklifləri irəli sürüblər. Lakin anlaşma əldə etmək mümkün olmayıb. Azərbaycan tərəfi həmsədrlərin Madriddə təqdim etdiyi sənəddə yeni heç nə olmadığını bildirir.


Günün bütün mövzuları

XS
SM
MD
LG