Keçid linkləri

2016, 07 Dekabr, çərşənbə, Bakı vaxtı 16:38

Prokurorluq Qənimət Zahidlə bağlı müraciətə cavab verdi


Pənah Hüseyn deyir ki, baş redaktorun həbsinə siyasi sifariş kimi baxmaq lazımdır

Pənah Hüseyn deyir ki, baş redaktorun həbsinə siyasi sifariş kimi baxmaq lazımdır

Respublika Baş Prokurorluğu «Azadlıq» qəzetinin baş redaktoru Qənimət Zahid haqqında həbs-qətimkan tədbirinin dəyişdirmək niyyətində deyil. Millət vəkili Pənah Hüseyn jurnalistlərə belə deyib.


15-ə yaxın deputat baş prokuror Zakir Qaralova müraciət edərək Qənimət Zahid haqqında həbs-qətimkan tədbirinin dəyişdirilməsini xahiş edibilər. Pənah Hüseyn jurnalistlərə deyib ki, artıq baş prokurorun müavini Rüstəm Usubovun imzası ilə bu müraciətə cavab alıblar. Orada həbs-qətimkan tədbirinin dəyişdiriləcəyi ilə bağlı heç bir fikir olmayıb. Sadəcə məktubda istintaqın Qənimət Zahidə qarşı ittihamları əksini tapıb. Pənah Hüseyn jurnalistlərlə söhbətində cavab məktubundan təəssüfləndiyini bildirib.


Onun sözlərinə görə Qənimət Zahidi həbsdə saxlamağa heç bir lüzum yoxdur. Deputat deyib ki, baş prokurorluğun onların müraciətinə müsbət cavab verməməsi jurnalistin həbsi ilə bağlı əvvəllər səslənən ehtimalın təsdiqidir.


Onun sözlərinə görə, baş redaktorun həbsinə siyasi sifariş və peşə fəaliyyətinin nəticəsi kimi baxmaq lazımdır.


Qənimət Zahid xuliqanlıqda təqsirləndirilir.


Günün bütün mövzuları

XS
SM
MD
LG