Rusiya KİV-in məlumatına görə, noyabrın 11-də Azov dənizində «Qafqaz» limanı yaxınlığında 2 min ton kükürd daşıyan «Naxçıvan» gəmisi batıb. Fəlakət zamanı fırtınanın gücü 6-7 bala çatıb.
Bu gəmidən başqa daha iki gəmi-quru yük daşıyan «Volnoqorsk» və «Volqoneft-139» tankeri qəzaya uğrayıb.
Xəzər Dəniz Gəmiçilik İdarəsindən «Turan»a verilən məlumata görə, «Naxçıvan», muxtar respublikanın adını daşısa da, Rusiyaya məxsusdur. Rusiya KİV-inin məlumatına görə, 11 nəfər ekipaj üzvündən 3-ü xilas edilib, qalanları isə itkin düşmüş sayılır.