Avropa Birliyi (AB) jurnalist Eynulla Fətullayevin həbsini pisləyir. AB-nin yaydığı press-relizdə deyilir ki, Fətullayevə qarşı yazdığı məqaləsinə görə cinayət məsuliyyətinin tələb olunması adekvat addım deyil.
Bu məhkəmə qərarı Azərbaycanın Avropa Qonşuluq Siyasəti çərçivəsində söz və mətbuat azadlığı sahəsində götürdüyü öhdəliklərlə uyğun gəlmir. AB Azərbaycan hökumətinə söz və mətbuat azadlığının təmin olunmasına əməl etməyin lazım olduğunu xatırladır. Gələcəkdə tənqidi «səslər»in kəsilməyəcəyinə ümid edir.
«Gündəlik Azərbaycan» və «Realnıy Azerbaydjan» qəzetlərinin təsisçisi və baş redaktoru Eynulla Fətullayev oktyabrın 30-da 8 il yarım müddətinə azadlıqdan məhrum edilib. O, müddətinə terrorizm, etnik zəmində ədavətin qızışdırılması və vergidən yayınma maddələri ilə həbs edilib.
Bundan əvvəl 2007-ci il aprelin 20-də Yasamal Rayon Məhkəməsi Xocalı faciəsi barədə tənqidi yazı yazdığına görə jurnalisti 2.5 il müddətinə azadlıqdan məhrum etmişdi. / Turan /
