Bu gecə Bakının Qaradağ rayonunda ağır yol qəzası baş verib. Gecə saat 00:30-da Qobustan qəsəbəsində sərnişin mikroavtobusunun «Kamaz»la toqquşması nəticəsində 14 nəfər ölüb, 6 nəfər yaralanıb, onlardan 3-nün vəziyyəti ağırdır.
Daxili İşlər Nazirliyi Baş Dövlət Yol Polisi idarəsinin şöbə rəisi Ərəstun Məcidov «Turan»a məlumat verib ki, həlak olanların 5-i kişi, 4-ü qadın, 5-i uşaqdır.
Ölən və yaralananların hamısı mikroavtobusda olanlardır. Toydan evə qayıdan sərnişinlərin hamısı qohum olublar.
ANS xəbər verir ki, hadisə nəticəsində xəsarət alanlar 1 saylı təcili tibbi yardım xəstəxanasına aparılıblar.
«Kamaz»-ın sürücüsünün şəxsiyyəti barədə isə hələlik heç bir açıqlama verilmir.
