Keçid linkləri

logo-print
2016, 03 Dekabr, şənbə, Bakı vaxtı 04:43

ETTELAAT daha bir azərbaycanlı hüquq müdafiəçisini həbs edib


Yaqub Salekiniya, Saleh Kamrani və Əbdüllah Abbasi

Yaqub Salekiniya, Saleh Kamrani və Əbdüllah Abbasi

«Savalan Səsi» saytının verdiyi məlumata görə, azərbaycanlı jurnalist Yaqub Salekiniya oktyabrın 31-də Tehrandakı evində həbs olunaraq, naməlum istiqamətə aparılıb.


Cənab Salekiniya Azərbaycan Siyasi Məhbusları Müdafiə Komitəsinin qurucularından biri sayılır. O, İlqar Mərəndli təxəllüsü ilə tanınır.


Yaqub Salekiniya eyni zamanda, «Azərbaycanlı Uşaqlar Evi»nin banilərindən biridir.


Fəalın həbsinin səbəbləri və harada saxlandığı məlum deyil.


«Öyrənci» saytının verdiyi başqa bir xəbərdə bildirilir ki, Tehranın Evin zindanında saxlanan Saleh Kamraninin həyat yoldaşı həbsxana rəhbərliyinə müraciət edərək, əriylə görüşmək istədiyini bildirib. Lakin, ona S.Kamrani ilə görüşlərin qadağan olunduğu bildirilib.


Evin zindanında saxlanan başqa bir azərbaycanlı fəal, Əbdüllah Abbasi Cəvanın qardaşı isə onunla görüşməyə müvəffəq olduğunu bildirib. O, deyib ki, işgəncələr nəticəsində Əbdüllah Abbasini tanımaq mümkün deyil — Abbasi 30 kiloqramdan artıq çəki itirib və ağır durumdadır.


Hər iki fəal avqustun 18-də gecə saatlarında Zəncanda gizli şəkildə saxlanıb, Tehranın Evin zindanına aparılıblar.


Bu vaxtacan onlara qarşı irəli sürülən ittihamların nədən ibarət olduğu aydın deyil.


Günün bütün mövzuları

XS
SM
MD
LG