Noyabrın 24-də Eynulla Fətullayevin azadlığa buraxılması tələbi ilə etiraz aksiyası keçiriləcəyi gözlənilir. Bu barədə Jurnalistin Hüquqlarının Müdafiə Komitəsi qərar verib.
Komitənin oktyabrın 31-də keçirilən iclasında həbsin siyasi sifariş olduğu və baş redaktorun dərhal azadlığa buraxılması tələb olunub.
Etiraz aksiyasına təşkilatçılıq Azərbaycan Naminə Forumun prezidenti Eldar Namazova həvalə edilib.
Arzu Abdullayevanın sədri olduğu Jurnalistin Hüquqlarının Müdafiə Komitəsində ölkənin hüquq müdafiəçiləri və qəzet redaktorları təmsil olunur.
«Gündəlik Azərbaycan» və «Realnı Azerbaydjan» qəzetlərinin təsisçi və baş redaktoru Eynulla Fətullayev 8 il 6 ay müddətinə azadlıqdan məhrum edilib.
Eynulla Fətullayevin vəkili İsaxan Aşurov hökmü ədalətsiz adlandırıb. Bildirib ki, Eynulla Fətullayev öz yazdıqlarının qurbanıdır.
