Keçid linkləri

logo-print
2016, 06 Dekabr, çərşənbə axşamı, Bakı vaxtı 00:45

İran Azərbaycanında siyasi və mədəni təzyiqlərin artdığı bildirilir


Fəalların İran zindanlarında ağır psixi və fiziki təzyiqlərə məruz qaldığı bildirilir

Fəalların İran zindanlarında ağır psixi və fiziki təzyiqlərə məruz qaldığı bildirilir

Azərbaycan Siyasi Məhbuslarını Müdafiə Komitəsinin (ASMƏK) növbəti hesabatında İranda Azərbaycanı fəallarından başqa, incəsənət və mətbuata qarşı təzyiqlərin də artdığı bildirilir.


Hesabatda «Dilmac» jurnalının qapadılmasına işarə edilir. Təbrizdə mühəndis Əlirza Sərrafinin baş redaktorluğu ilə Azərbaycan və fars dillərində nəşr edilən «Dilmac» aylıq mədəni, ictimai və siyasi jurnalı dərc etdiyi bir sıra yazı və materiallara görə İranın mədəniyyət nazirliyi İslami İrşad İdarəsi tərəfindən üç dəfə xəbərdarlıq aldıqdan sonra qapadılıb. Xəbərdarlıqların ana dili, İranda qadın məsələsi, Azərbaycan folkloru və mətbuatı, İranda federalizm kimi mövzularda «Dilmac»da çap edilən yazılarla əlaqədar olduğu bildirilir.


Daha sonra ASMƏK-in raportunda uzun illərdir Təbrizdə ustad Həsən Dəmirçinin rəhbərliyi ilə Azərbaycan musiqisinin təlimi və təbliği ilə məşğul olan mərkəzin ETTELAAT tərəfindən qapadıldığı vurğulanır. Fəaliyyətinə hökumət tərəfindən xitam verilənə qədər Azərbaycan Musiqi Mərkəzində 12 musiqi müəllimi çalışıb. Mərkəzin 180 tələbəsi olub.


Hesabatda Qoşaçayın Üçtəpə kəndindən olan «Əhli-Həqq» dini təriqətinin Urmiyə zindanında saxlanan dörd azərbaycanlı tərəfdarının ağır vəziyyətinə də toxunulur. Həmin azərbaycanlıların zindanda ağır psixi və fiziki təzyiqlər altında saxlandığı və xəstə olduqları halda dava-dərman və həkim nəzarətindən məhrum edildiyi bildirilir.


Hesabata görə, bir müddət Urmiyə zindanında saxlanan bəzi milli fəallara qarşı Urmiyə İnqilab Məhkəməsi tərəfindən həbs cəzası çıxarılıb. Urmiyə Universitetinin bədən tərbiyəsi fakültəsinin əslən Xiyavdan (Mişkin şəhər) olan tələbəsi Məhnaz Məhəmmədzadə pantürkizmi təbliğ etməkdə, ölkənin mili təhlükəsizliyinə qarşı çıxmaqda günahlandırılaraq 6 ay həbsə məhkum edilib. M.Məhəmmədi Urmiyənın son vaxtlar qapadılmış «Bilim yolu» ədəbi mərkəzində Azərbaycan poeziyası gecələrinin təşkilində mühüm rol oynayan şəxslərdən olub.


Bu ilin iyun ayında keçirilən etiraz aksiyalarında iştiraka görə tutulub Urmiyə həbsxanasına aparılan 21 yaşlı Mustafa Meydan Nəvərd Urmiyənın İnqilab Məhkəməsi tərəfindən 4 ay müddətinə azadlıqdan məhrum edilib. Onun tutulandan sonra 12 gün ərzində ETTELAAT-ın Urmiyə idarəsinin birbaşa nəzarəti altında olan «Doqquz pillə» həbsxanasında saxlandığı və ağır işgəncələrə məruz qaldığı vurğulanır.


Hesabatın sonunda qeyd olunur ki, on gün əvvəl bir sutka həbsdə saxlanan Muğanlı tələbə və milli fəal Siyamək Mirzainin həbsdə olduğu saatlarda ETTELAAT əməkdaşları tərəfindən döyüldüyü bildirilir.


Günün bütün mövzuları

XS
SM
MD
LG