Keçid linkləri

2016, 09 Dekabr, Cümə, Bakı vaxtı 21:39

«Milli Məclis PKK-nı terrorçu təşkilat kimi tanımalıdır»


Parlamentin spikeri Azərbaycanın həmişə Türkiyənin yanında olduğunu bəyan edib

Parlamentin spikeri Azərbaycanın həmişə Türkiyənin yanında olduğunu bəyan edib

Parlamentin oktyabrın 19-da keçirilən iclasında bir sıra millət vəkilləri bu təşəbbüslə çıxış edib.


İqbal Ağazadə bildirib ki, İraqda həyata keçiriləcək hərbi əməliyyatlarda Azərbaycan Türkiyə ilə birgə olmalıdır. «PKK terrorçu təşkilat kimi tanınmalı və İraq əməliyyatlarında Azərbaycan ordusu da iştirak etməlidir».


Müsavat deputat qrupundan Pənah Hüseyn bildirib ki, yaranmış şəraitdə Azərbaycan-Türkiyə hərbi əməkdaşlığı sürətləndirilməlidir. O, da Milli Məclisin PKK-nı terrorçu təşkilat kimi tanımasının vacib olduğunu söylədi.


Fazil Qəzənfəroğlu dedi ki, Azərbaycan da Suriya kimi addım atmalı, anti-terror əməliyyatlarında rəsmi səviyyədə Türkiyəni dəstəkləməlidir.


O, «erməni soyqırımı» iddiaları ilə bağlı konqresin komitəsində qəbul olunmuş qətnaməyə görə ABŞ Konqresinə etiraz məktubu göndərməyi təklif etdi.


Konqresə etiraz məktubu göndərilməsi ideyasını hakim YAP-dan olan deputat Mübariz Qurbanlı da dəstəklədi.


Hakim partiyanın digər deputatı Siyavuş Novruzov İraq sərhədində mümkün hərbi əməliyyatlara toxunaraq deyib ki, Türkiyə bu addımı əslində 4 il əvvəl atmalı idi.


Parlamentin spikeri Oqtay Əsədov Azərbaycanın həmişə Türkiyənin yanında olduğunu bəyan edib.


Günün bütün mövzuları

XS
SM
MD
LG