Keçid linkləri

logo-print
2016, 04 Dekabr, bazar, Bakı vaxtı 08:16

«Fərəməz Allahverdiyevin səhhəti ağır olaraq qalır»


Fərəməz Allahverdiyev bu ilin yanvarında 2 il 6 ay müddətinə həbs edilib

Fərəməz Allahverdiyev bu ilin yanvarında 2 il 6 ay müddətinə həbs edilib

«Bu gün 14 saylı həbsxanada apardığım monitorinq çərçivəsində «Nota bene» qəzetinin əməkdaşı Fərəməz Allahverdiyevlə görüşdüm. Onun səhhəti ağır olaraq qalır». İşgəncələr Əleyhinə Komitənin sədri Elçin Behbudov bu sözləri «Turan»ın müxbirilə söhbətində söyləyib.


O, F.Allahverdiyevin hazırda həbsxananın sanitar hissəsində saxlandığını, bağırsağında yırtıq olduğu üçün səhhətində ciddi problemlər yarandığını deyib. Bu məsələ ilə bağlı dövlət başçısı İlham Əliyevə müraciət hazırladığını deyən E.Behbudov, F.Allahverdiyevin cəzasının yarısını çəkdiyi üçün onun həbsdən azad olunmasına yardımçı olmasını prezidentdən xahiş edəcəyini bildirib.


Həbsxanada aparılan monitorinqlə bağlı açıqlama verən E.Behbudov orada 800 məhbusun saxlandığını və 2007-ci ildə ölüm hadisəsinin baş vermədiyini deyib. O, həbsxanda təmir işlərinin aparıldığını da bildirib.


E.Behbudov oktyabrın 19-dan Gəncə, Qazax, Gədəbəy, Tovuz rayon polis idarələrinin müvəqqəti saxlanma təcridxanalarında saxlanma şəraitilə bağlı monitorinq aparacağını da deyib.


«Nota bene» qəzetinin əməkdaşı Fərəməz Allahverdiyev bu ilin yanvarında Daxili İşlər naziri Ramil Usubov və Xaricdə Yaşayan Azərbaycanlılarla İş üzrə Dövlət Komitəsinin sədri Nazim İbrahimovun iddiası əsasında 2 il 6 ay müddətinə həbs edilib.


Günün bütün mövzuları

XS
SM
MD
LG