Keçid linkləri

logo-print
2016, 05 Dekabr, Bazar ertəsi, Bakı vaxtı 22:43

MTN silahlı qrup yaxalayıb


«Əməliyyat tədbirləri zamanı xeyli sayda silah-sursat aşkarlanıb»

«Əməliyyat tədbirləri zamanı xeyli sayda silah-sursat aşkarlanıb»

Milli Təhlükəsizlik Nazirliyi (MTN) oktyabrın 10-da Sumqayıt və ona bitişik ərazilərdə əməliyyat-axtarış tədbirləri keçirib, sentyabrın sonlarında Qusarda polis əməkdaşlarına silahlı müqavimət göstərən Telman Abdullayevin dəstəsinin daha bir neçə üzvünü yaxalayıb.


Bunu «Azadlıq» radiosuna MTN-in Mətbuat Xidmətinin başçısı Arif Babayev verib. Onun sözlərinə görə, əməliyyat tədbirləri zamanı cinayətkar qruplaşmadan xeyli sayda silah-sursat aşkarlanıb.


Babayevin sözlərinə görə, əməliyyat məlumatları nəticəsində qrupun bir neçə üzvünün azadlıqda olduğu da bəlli olub. Onların istintaqa cəlb edilməsi üçün əməliyyat tədbirləri davam edir.


Sentyabrın 26-da MTN və DİN-in Qusar rayon şöbələrinin rayon sakini Telman Abdullayevin saxlanması məqsədilə keçirdiyi əməliyyat zamanı həmin şəxs iki polis əməkdaşına atəş açıb. Onlardan biri sonradan vəfat edib. T.Abdullayev isə hələ tutulmayıb.


Oktyabrın 11-də Sumqayıt şəhərində giriş və çıxışa nəzarət gücləndirilib. Rəsmi mənbələr heç bir məlumat verməsə də, bəzi informasiyalara görə, həmin gün şəhərdə ərəb əsilli bir neçə şəxsin axtarışı aparılıb.


XS
SM
MD
LG