Keçid linkləri

2016, 08 Dekabr, Cümə axşamı, Bakı vaxtı 02:13

ABŞ Konqresinin komitəsi erməni soyqırım iddiası ilə bağlı qətnaməni qəbul edib


İndi növbəti addım Konqresin Nümayəndələr Palatasının sədri Nensi Pelosiden gözlənilir

İndi növbəti addım Konqresin Nümayəndələr Palatasının sədri Nensi Pelosiden gözlənilir

Amerika Konqresinin aşağı palatasının Xarici Əlaqələr Komitəsi ermənilərin soyqırım iddiası ilə bağlı qətnaməni 27-21 səs nisbətində qəbul edib. Qətnamədə deyilir ki, 1915-17-ci illərdə Osmanlı İmperiyası ermənilərə qarşı ardıcıl soyqırım həyata keçirib.


İndi növbəti addım Konqresin Nümayəndələr Palatasının sədri Nensi Pelosidən gözlənilir. Pelosi gələn ay qətnaməni Palatanın tam tərkibli iclasına səsverməyə çıxara bilər.


Amerika prezidenti Corc Buş qətnamənin əleyhinə olduğunu deyir. Amma indi konqresdə Buşa müxalif demokratlar üstünlükdədir. Üstəlik, qətnamə simvolik xarakter daşıyır, onun qüvvəyə minməsi üçün prezidentin imzalamasına ehtiyac yoxdur.


Amerika Konqresi erməni soyqırımı iddiaları ilə bağlı qətnamə layihəsini qəbul etsə belə, bu Birləşmiş Ştatların xarici siyasətinə təsir etməyəcək. Bu fikri isə Amerikanın Azərbaycandakı səfiri Enn Ders deyib. Diplomatın fikrincə, yeganə çıxış yolu xalqlar və tarixçilər arasında dialoqdur.


Günün bütün mövzuları

XS
SM
MD
LG