«ATƏT-in rəsmi nümayəndələri Azərbaycanda medianın vəziyyəti ilə bağlı bir neçə dəfə narahatlıqlarını ifadə ediblər».
«Turan»ın məlumatına görə, bunu oktyabrın 9-da ATƏT-in Bakı Ofisinin rəhbəri, səfir Xose-Luis Herrero Azərbaycanda söz azadlığının durumunu və jurnalistlərin həbsi ilə bağlı vəziyyəti şərh edərkən bildirib.
Onun fikrincə, diffamasiya ilə bağlı məhkəmə prosesləri jurnalistlərin həbsi ilə başa çatmamalıdır. ATƏT-in şərəf və ləyaqətin müdafiəsi prinsiplərinə hörmət etdiyini bildirən səfir, eyni zamanda deyib ki, ATƏT məkanında jurnalistlərin həbsi çox nadir haldır. Herrero Azərbaycanın da bu ənənəni davam etdirəcəyinə ümid etdiyini bildirib.
Hazırda Azərbaycanda müxtəlif ittihamlarla yeddi jurnalist həbsdədir.
