Tbilisi Dövlət Universitetində çıxışı zamanı NATO-nun Baş katibi Yaap de Hoop Sxeffer belə deyib.
O, qeyd edib ki, NATO Gürcüstanda demokratik islahatları – ilk növbədə, məhkəmə islahatını, həmçinin 2008-ci ildə prezident və parlament seçkilərinin demokratik və ədalətli keçib-keçmədiyini izləməkdə davam edəcək.
Sxefferin səfərindən qabaq Gürcüstanın Dövlət naziri Georgi Baramidze deyirdi ki, Tbilisinin NATO ilə yeni əməkdaşlıq mərhələsinə keçidini «kifayət qədər real» sayır.
Müxalifət liderlərindən biri, Respublika Partiyasının sədri David Usupaşvili NATO-nun Baş katibi ilə razılaşır: «Bu gün Gürcüstan və onun ictimaiyyəti NATO-ya üzvlüyə daha çox hazırdır, nəinki, Mixail Saakaşvili başda olmaqla Gürcüstan hakimiyyəti. Məhz buna görə biz demokratik islahatların keçirilməsində israr edirik».
Gürcü politoloqlarının bir çoxu bu fikirdədir ki, ölkədəki son hadisələr – mitinq və etirazlar və yüksəkçinli məmurların qarşılıqlı ittihamları – NATO-nun Gürcüstanla münasibətlərinə aşkar təsir edib.
