Keçid linkləri

2016, 11 Dekabr, bazar, Bakı vaxtı 11:57

«Prezidentlərin bu həftə görüşməsi ehtimalı hələlik yoxdur»


«Münaqişələri birinci həll etmək lazımdır. Nə üçün bunu kənara qoyub başqa mövzuları ortaya çıxarırlar?»

«Münaqişələri birinci həll etmək lazımdır. Nə üçün bunu kənara qoyub başqa mövzuları ortaya çıxarırlar?»

«Azərbaycan və Ermənistan prezidentlərinin bu həftə görüşməsi ehtimalı hələlik yoxdur». Bunu Prezidentin İcra Aparatının Xarici əlaqələr şöbəsinin müdiri Novruz Məmmədov «Azadlıq» radiosuna müsahibəsində bildirib.


İlham Əliyev və Robert Koçaryan oktyabrın 5-6-da Düşənbədə keçiriləcək MDB dövlət başçılarının sammitində iştirak edəcəklər.


Novruz Məmmədov deyir ki, sammitöncəsi aparılan danışıqlar və müəyyən kontaktlar prezidentlər arasında növbəti görüşün keçiirilməsinə hələlik münbit şərait yaratmayıb.


Məmmədov MDB-nin özünün də münaqişələrin həllindəki acizliyindən gileylənib. Deyib ki, birlik yarananda onun rəhbərləri prioritetlərin müəyyənləşməsində ayrı-seçkilik ediblər, belə ki, üzv ölkələr arasındakı münaqişələr arxa plana keçib. İndinin özündə də MDB qarşısında duran məsələlərə birtərəfli yanaşır, halbuki, «həyati məsələ münaqişələrdir».


Novruz Məmmədov: «Münaqişələri birinci həll etmək lazımdır. Nə üçün bunu kənara qoyub başqa mövzuları ortaya çıxarırlar? Bu olmayanda o biri məsələlərlə bağlı problemlər əmələ gəlir. Əslində, belə mövqe Qərb dövlətlərində də var. Hərə yalnız öz maraqları üçün çalışarsa, haqq-ədalət kənarda qalarsa, onda heç kim üçün bu sərfəli olmaz».


Amma Məmmədov onu da bildirib ki, Azərbaycanı MDB ölkələri ilə tarixi, mədəni əlaqələr və ikitərəfli əməkdaşlıq birləşdirir.


Qarşıdakı sammitdə MDB-nin struktur məsələləri, birgə tədbirlər planı, miqrasiya siyasəti və digər məsələlər müzakirə olunacaq. Gündəlikdə habelə cinayətkarlığa qarşı mübarizə, maliyyə şəffaflığı, narkotik maddələrin qeyri-leqal dövriyyəsi və terrorizmə qarşı mübarizə durur. Məmmədov deyir ki, hansı məsələ Azərbaycanın milli maraqlarına cavab versə, Bakı ona razılığını verəcək.


Günün bütün mövzuları

XS
SM
MD
LG