Türkmənistanla Azərbaycan Xəzərin hüquqi statusu ilə bağlı danışıqları davam etdirirlər.
Türkmənistan Xarici İşlər nazirinin müavini, prezidentin Xəzərin statusu üzrə xüsusi nümayəndəsi Xoşgəldi Babayevin başçılığı ilə nümayəndə heyəti sentyabrın 25-dən Bakıdadır. Onların səfəri sentyabrın 27-də başa çatır.
Bu, sözügedən məsələ ilə bağlı türkmən rəsmisinin Azərbaycana ilk səfəridir.
Türkmənistanla Azərbaycanın Xəzərin statusu üzrə danışıqları 2005-ci ilin sonunda dayandırılıb. Qurbanqulu Berdimuxammedov prezident seçiləndən sonra danışıqlar bərpa olunub. Bu yaxınlarda Azərbaycan Xarici İşlər nazirinin müavini Xələf Xələfovun başçılığı ilə nümayəndə heyəti Türkmənistanda olmuşdu.
