FİFA milli futbol yığmalarının növbəti aylıq reytinq-siyahısını dərc edib. Futbol üzrə Azərbaycan yığması siyahıda səkkiz pillə geriləyərək 115-ci yerə düşüb. Millinin Avropa Çempionatı 2008-dəki rəqiblərindən ən yüksək göstərici yenə Portuqaliya millisinə məxsusdur- səkkizinci yer. Ən pis göstərici isə Qazaxıstandadır- 120-ci pillə. Ötən ayın cədvəlində bu yığma 115-ci mövqedə qərarlaşmışdı.
Siyahıya isə İtaliya millisi rəhbərlik edir. Argentina ikinci, ötən ayın birincisi Braziliya isə üçüncüdür.
Postsovet məkanından ən yaxşı nəticə yenə Ukrayna millisinə məxsusdur - 17-ci yer. Baxmayaraq ki, bu komanda ötən ay 15-ci mövqedə idi. Rusiya yığması siyahıda iki pillə geriləyərək 26-cı mövqedə qərarlaşıb. Ermənistan yığması 81-ci mövqedən 87-yə, Gürcüstan yığması isə 103-dən 104-cü mövqeyə düşüb.
