Bu barədə Birləşmiş Ştatların prezidenti Corc Buş məlumat verib. Prezident İraqdakı strategiyası barədə çıxış edərkən belə deyib.
O, bildirib ki, bu ilin axırına kimi 5 700 Amerika əsgəri İraqdan vətənə qayıdacaq.
«İraqdakı qoşunlarımızın uğurla geri dönməsini təmin etməliyik. Biz əmin olmalıyıq ki, ərazidə qalan ordu hissələrimizin düşməni məğlub etməsi üçün qüvvələri olsun».
Corc Buş deyib ki, o, Amerikanın İraqdakı baş komandanın tövsiyəsini qəbul edib. General Devid Petreud gələn ilin iyuluna kimi İraqdakı 20 briqadanın sayını 15-ə qədər azaltmağı məsləhət görüb.
Corc Buş bugünkü çıxışında deyib ki, gərək İran və Suriya İraq hökumətinə mane olmasınlar. Hər iki dövlət indiyə kimi Amerika prezidentinin oxşar bəyanatları ilə razılaşmayıblar.
