Rusiyanın Ulyanovsk vilayətinin qubernatoru sentyabrın 12-ni şəhərdə Ailə Ünsiyyəti Günü elan edib. Məqsəd demoqrafıq göstəriciləri artırmaqdır.
Buna görə də vilayət hökuməti ər-arvadlara istirahət verib. Təşəbbüsün müəllifləri hesab edirlər ki, doqquz aydan sonra Rusiyanın regionlarında yüzlərlə körpə dünyaya gələcək.
Rusiyada uşaq dünyaya gətirən qadınların həvəsləndirilməsi istiqamətində bir sıra tədbirlər həyata keçirilir. Məsələn, Ulyanovskda iyunun 12-də Milli Birlik Günündə uşaq dünyaya gətirən qadınlara yerli hökumət maşın, soyuducu, hətta 10 min dollara qədər nağd pul verir. Çox ailələr də zarafat bir yana uşaqlarının həmin gün doğulmasına can atırlar.
Həvəsləndirmə tədbirlərinin faydası da göz qabağındadır. Ulyanovskn qubernatoru Sergey Morozov deyir ki, əgər 2006-cı ildə regionun xəstəxanalarında 28 uşaq doğulmuşdusa, 2007-ci ildə bu rəqəm 78-ə qalxıb.
