Memarlar yeni tikilən çoxmərtəbəli binaların vəziyyəti haqqında rəylərini açıqlayacaqlar. Mütəxəssislər yeni tikililərin paytaxtın Baş planına nə dərəcə də uyğun gəlməsi, tikinti materiallarının keyfiyyəti, şəhərin memarlıq ansamblı və s. məsələlərə öz münasibətlərini bildirəcəklər.
Bütün bu məsələlər Azərbaycan Memarlar İttifaqının sentyabrın 7-də keçiriləcək XVII qurultayında müzakirə ediləcək.
Memarlar İttifaqının sədr əvəzi Hafiz Əmirxanovun jurnalistlərə bildirdiyinə görə, qurultayda təşkilata yeni sədr seçiləcək. H.Əmirxanovun sözlərinə görə, 2002-ci ildə ittifaqın sədri vəfat edəndən sonra quruma yeni sədr seçilməyib. XVII qurultayın 2005-ci ildə keçirilməsi qərara alınsa müəyyən səbəblərdən həmin il tədbir baş tutmayıb.
