«Taliban» hərəkatının rəhbərlərindən biri «Reuters» agentliyinə bildirib ki, 19 cənubi koreyalı girovu Seuldan 20 milyon dollar aldıqdan sonra azad ediblər.
«Bu pula taliblər yeni terrorlar törətmək üçün silah və avtomobillər almaq niyyətindədirlər», - deyə agentlik xəbər verir.
Bundan əvvəl Seul cənubi koreyalı girovların buraxılmasına görə pul ödədiyini təkzib edirdi.
Avqustun 31-də azad olunan koreyalıların hamısı Əfqanıstanı tərk edib.