Azərbaycan Fransadan altı ədəd «ATR 42-500» sərnişin təyyarəsi alıb. Ümumi qiyməti 97, 2 milyon dollar olan 50 və 70 sərnişin tutan təyyarələrdən biri avqustda, ikisi oktyabr-dekabr aylarında, qalan üçü isə 2008-ci ildə Azərbaycana gətiriləcək.
Cənab Səfərli deyir ki, həmin təyyarələr Naxçıvan, Tbilisi, Gəncə, Minvod və Tehran xəttlərinə buraxılacaq.
Hazırda Azərbaycanın sərnişin təyyarə parkında əsasən Amerika istehsalı olan «Boinq», Fransa istehsalı olan «AirBus» və Rusiya istehsalı olan «TU-134» və «TU-154» tipli sərnişin təyyarələri var.
Fransadan gətiriləcək təyyarələrlə bağlı müqavilə prezident İlham Əliyevin həmin ölkəyə son səfəri zamanı imzalanıb.