Keçid linkləri

logo-print
2016, 04 Dekabr, bazar, Bakı vaxtı 20:43

Çexiyada Azərbaycan səfirliyinin binası açıldı


Praqada Azərbaycan səfirliyinin binası

Praqada Azərbaycan səfirliyinin binası

Avqustun 15-də Çexiyanın paytaxtı Praqada Azərbaycan səfirliyinin rəsmi açılışı olub.


Səfir Tahir Tağızadə, Çexiya Xarici İşlər nazirinin müavini Tomaş Poyarın və yerli Azərbaycan icmasının nümayəndələrinin iştirakı ilə səfirlik binası üzərində Azərbaycan bayrağı qaldırılıb. Səfirlik binası Praqanın prestijli rayonlarından birində - Villada yerləşir.


Səfir Tahir Tağızadə «Azadlıq» radiosuna bildirib ki, təəssüflər olsun ki, indi iki ölkə arasındakı əməkdaşlığı «geniş» adlandırmaq olmaz, nə iqtisadi, nə də siyasi sahədə əməkdaşlığımız fəal deyil.


«Amma getdikcə bu tendensiya dəyişir. Məsələn, bir ay qabaq Çexiyada Cənubi Qafqaz film günləri keçirildi. Oraya Azərbaycandan Rüstəm İbrahimbəyov, Oleq Səfərəliyev kimi rejissorlar gəlmişdi. Əgər mədəni, humanitar və iqtisadi əməkdaşlığı belə genişləndirə bilsək, bu, siyasi əməkdaşlıq üçün gözəl əsas yaradar»- deyə, səfir Tahir Tağızadə bildirib.


Azərbaycanın Çexiyadakı səfirliyi avqustun 13-dən fəaliyyətə başlayıb.


Günün bütün mövzuları

XS
SM
MD
LG