Baş vermiş insidentlə bağlı avqustun 13-də hadisə yerində olduğunu deyən Behbudovun sözlərinə görə, söyüş üstündə Habil Tağıyev Goranboydan olan məhbus Qalib Həmzəyevi itiləyərək silah halına saldığı xörək qaşığının dəstəyilə vurub. Q.Həmzəyev əməliyyat olunmaq üçün aparılsa da, gecə saatlarında vəfat edib.
Elçin Behbudov bildirib ki, H.Tağıyev kartserə salınıb.
Komitə sədri bir sıra KİV-lərdə bu qətlin 1 saylı ciddi rejimli cəzaçəkmə müəssisəsində kütləvi dava-dalaşa, daha bir neçə nəfərin qətlinə səbəb olması ilə bağlı yayılan informasiyaların əsası olmadığını bildirib.