Kuba lideri Fidel Kastronun avqustun 13-də 81 yaşı tamam olur. Amma Kuba Kommunist Partiyasının rəsmiləri hələ ki bu münasibətlə heç bir təntənəli mərasim nəzərdə tutmayıblar.
Kastronun özü- 2006-cı ilin iyulunda xəstəliyi üzündən səlahiyyətlərini qardaşına təhvil verəndən sonra-ictimaiyyət arasında görünməyib. Kuba rəsmiləri Fidel Kastronun hələ müalicədən sonrakı bərpa prosesi keçdiyini deyillər.
Ötən əsrin 40-cı illərinin sonunda, tələbəlik dövründə Kubada Batista rejiminə qarşı mübarizəyə qoşulub. 1953-cü il iyulun 26-da tərəfdaşları ilə birgə qiyam qaldırsa da, cəhdləri alınmır və Kubanı tərk etməyə məcbur olur. Nəhayət, 1959-cu ilin əvvəlində onun başladığı hərəkat məqsədinə çatır. Kubada sosialist idarəetməsi əsasında Kastro rejimi yaranır.
