Avqustun 3-də Azərbaycanın Xarici İşlər naziri Elmar Məmmədyarovla ABŞ Dövlət Katibinin demokratiya və insan haqları üzrə müavini Barri Lovenkron və Dövlət Katibinin Avropa və Avrasiya məsələləri üzrə müavini Dan Frid arasında videokonfrans olub.
Azərbaycanla ABŞ arasında siyasi, təhlükəsizlik, enerji məsələləri daxil olmaqla, ikitərəfli münasibətlər müzakirə olunub. Demokratiya və insan haqları məsələləri ətrafında fikir mübadiləsi aparılıb.
Müzakirələrdə Azərbaycan Diplomatik Akademiyası ilə əməkdaşlıqdan da danışılıb.
Tərəflər razılığa gəliblər ki, belə müzakirələri bundan sonra da davam etdirsinlər.
