Bu fikri Dini Qurumlarla İş üzrə Dövlət Komitəsinin sədri Hidayət Orucov bildirib. O, deyib ki, bu vaxta kimi 40 icma dövlət qeydiyyatına alınıb, bəzi sənədlər isə lazımı qaydada tərtib olunmadığı üçün geri qaytarılıb.
Komitə sədrinin sözlərinə görə, ondan əvvəlki rəhbərliyin dövründə quruma qeydiyyat üçün 200-ə yaxın müraciət daxil olsa da, bunlara baxılmayıb. Hidayət Orucov bunu qeyri-adi süründürməçilik, analoqu olmayan hal adlandırıb.
Dini ədəbiyyatın idxalı və yayılması barədə də danışan sədr dini dözümsüzlüyü və ayrı-seçkiliyi təbliğ edən 90 adda kitabın ölkəyə buraxılmasının qarşısının alındığını açıqlayıb. Məlumatı APA yayıb.
